ڈلیورنہ کرنے والے افسر کوعہدے پر رہنے کا حق نہیں، buzdar

March 07, 2021

وزیراعلیٰ پنجاب عثمان بزدار نے جنوبی پنجاب سیکرٹریٹ کی کارکردگی پر شدید برہمی کا اظہار کرتے ہوئے کہا ہے کہ سست روی بالکل برداشت نہیں کوتاہی پر ذمہ داروں کا تعین کر کے سخت کارروائی کی جائے گی ڈلیورنہ کرنے والے افسر کو عہدے پر رہنے کا کوئی حق نہیں۔

وزیراعلیٰ پنجاب کی ہدایت پر پرنسپل سیکرٹری نے ایک اجلاس میں سیکرٹریز کو کارکردگی بہتر بنانے کی ہدایت کی، عثمان بزدار کا کہنا تھا کہ جنوبی پنجاب کے متعلقہ سیکرٹریز عوامی مسائل فوری حل کرنے کیلئے موثر اقدامات اٹھائیں، افسران ڈلیور کریں اورفلاح عامہ کے منصوبوں کو وقت پر مکمل کریں ۔

انہوں نے کہا کہ دیانتدار اور فرض شناس افسران کی حوصلہ افزائی جاری رکھیں گے فلاح عامہ کی ہر اسکیم کی تھرڈ پارٹی مانیٹرنگ ہوگی ۔

عثمان بزدار نے کہا کہ تحریک انصاف کی حکومت نے علیحدہ سیکرٹریٹ بنا کر جنوبی پنجاب کو نئی شناخت دی ہے تاکہ جنوبی پنجاب میں بسنے والوں کو لاہورکے چکر نہ لگانا پڑیں۔