فرمان الہی
نماز کے اوقات
صومالیہ کی میری ٹائم پولیس نے ’آنر 25‘ نامی آئل ٹینکر کو قزاقوں کے قبضے سے چھڑا لیا ہے۔
ڈائریکٹر انصار برنی ٹرسٹ کا کہنا ہے کہ صومالی قزاقوں نے فائرنگ کرکے 3 پاکستانی، ایک بھارتی اور میانمار کے ایک شہری کو قتل کردیا، فائرنگ سے 4 پاکستانی شہری زخمی بھی ہوئے ہیں۔
اس سے قبل صومالی میڈیا کا کہنا تھا کہ قزاقوں نے یرغمال بنائے ہوئے آئل ٹینکر ’آنر 25‘ پر موجود عملے کے پانچ ارکان کو قتل کردیا، فورسز نے کارروائی کرتے ہوئے 9 قزاق گرفتار کرلیے۔
پاکستانی سول سوسائٹی کے رکن طالب رضا ایک بیان میں عملے کے پاکستان ارکان کے قتل پر تشویش کا اظہار کیا۔
وزیراعلیٰ سندھ کا پاکستانیوں کے جاں بحق ہونے پر دکھ کا اظہار
وزیراعلیٰ سندھ مراد علی شاہ نے صومالیہ میں پاکستانیوں کے جاں بحق ہونے پر دکھ کا اظہار کیا ہے۔
ترجمان کے مطابق وزیراعلیٰ سندھ کا کہنا ہے کہ وفاقی حکومت جاں بحق پاکستانیوں کی میتیں جلد از جلد آبائی علاقوں میں لانے کے لیے اقدامات کرے اور دیگر پاکستانی عملے کی حفاظت کو یقینی بنایا جائے۔
