سندھ کے علاقے شکارپور میں مارفانی قبیلے کے دو گروپوں میں فائرنگ کے تبادلے میں 4 افراد ہلاک ہوگئے۔
پولیس کے مطابق واقعہ گاؤں شاھیم میں مارفانی قبیلے کے دو گروپوں میں جاری پرانی دشمنی کی وجہ سے پیش آیا۔
فائرنگ کا تبادلہ نورل مارفانی اور نظیر مارفانی کے مسلح گروپوں میں ہوا ۔
پولیس نے موقع پر پہنچ کر صورتحال پر قابو پالیا اور لاشوں کو تعلقہ اسپتال گڑھی یاسین منتقل کر دیا ہے ۔
ذرائع کا کہنا ہے کہ واقعے کی پولیس کی جانب سے تفتیش ابھی جاری ہے۔