وزیر اعظم عمران خان کے مشیر برائے تجارت عبدالرزاق داؤد کا کہنا ہے کہ ہماری برآمدات میں اس سال اضافہ ہوا ہے، رواں مالی سال 25 ارب ڈالر تک کی برآمدات ہو جائیں گی۔
مشیر تجارت نے کہا کہ گارمنٹس سیکٹر کی پیداوار بھی بڑھی ہے، مئی کے آخر تک برآمدات 22.5 بلین ڈالر ہوچکی ہیں۔
عبدالرزاق داؤد نے کہا کہ ٹیکسائل ویلیو ایڈڈ کی برآمدات میں اضافہ ہوا ہے، کاٹن یارن کی برآمدات کم ہوئی، یہ اچھی بات ہے، کاٹن یارن پاکستان میں ویلیو ایڈیشن میں استعمال ہو رہی ہے۔
مشیر تجارت نے کہا کہ فارماسوٹیکل صنعت ٹھیک ٹھاک چل رہی ہے، انجینیرنگ کی برآمدات کو بڑھانا ہے۔
عبدالرزاق داؤد نے کہا کہ اس سال بھی ٹیرف ڈیوٹیز کم کریں گے۔