اداکارہ صحیفہ جبار خٹک کا کہنا ہے کہ پراجیکٹ کے ختم ہونے پر اس کے حوالے سے پچھتانے کا کہنا میرے خیال سے غلط ہے۔
انہوں نے ڈرامہ سیریل ’لوگ کیا کہیں گے‘ کے حوالے سے سوال کا جواب دیتے ہوئے کہا کہ مجھے اس ڈرامے میں فیصل قریشی اور اعجاز اسلم کے ساتھ کام کر کے مزہ آیا وہیں میری خواہش تھی کہ کاش میں اس ڈرامے میں اتنا نہ روتی۔
صحیفہ جبار خٹک نے کہا کہ ’کسی بھی پراجیکٹ کے اختتام پزیر ہونے کے بعد اس پر پچھتانے کے حوالے سے بیان دینا غلط ہے۔‘
انہوں نے کہا کہ اس ڈرامے میں مجھے اپنے زیادہ رونے پر افسوس ہے لیکن میں آپ سب کو اس کی وجہ نہیں بتا سکتی۔
اداکارہ نے کہا کہ یہ ڈرامہ زیادہ سُپر ہٹ جا سکتا ہے اگر اس میں وہ غلطیاں نہ ہوتیں جو ہوئی ہیں۔
خیال رہے کہ ماڈل صحیفہ جبار 2017 میں اپنے قریبی دوست خواجہ خضر حسین سےلاہور میں رشتہ ازدواج میں منسلک ہوئی تھیں۔