نور مقدم قتل کے خلاف سسٹین ایبل سوشل ڈیولپمنٹ آرگنائزیشن اورسول سوسائٹی نے احتجاج کیا ہے۔
مظاہرین کا کہنا تھا کہ قانون کو مدنظر رکھتے ہوئے ملزمان کو فوری سزائیں دی جائیں۔
ایگزیکٹیو ڈائریکٹر ایس ایس ڈی او سید کوثر عباس نے کہا کہ ملزمان کا ٹرائل تیزی سے شروع کیا جائے۔
انھوں نے یہ بھی کہا کہ معاشرےمیں تشدد کے خاتمے کے لیے تحفظ دینے کی ضرورت ہے۔
سید کوثر عباس کا کہنا تھا کہ ہر شہری کو تحفظ کی فراہمی ریاست کی ذمے داری ہے۔