والٹ ڈزنی کو آن لائن اور تھیٹر میں ایک ساتھ فلم ریلیز کرنا مہنگا پڑگیا

July 30, 2021

اپنی فلم کو بیک وقت آن لائن اور تھیٹر میں ریلیز کرنا والٹ ڈزنی کو مہنگا پڑگیا۔

ماس میڈیا و انٹرٹینمنٹ کمپنی نے فلم "بلیک وِڈو" کو بیک وقت آن لائن اور تھیٹر میں ریلیز کیا تھا۔

فلم میں مرکزی کردار نبھانے والی اداکارہ اسکارلیٹ جوہانسن نے ایسا کرنے پر والٹ ڈزنی کے خلاف لاس اینجلس کی عدالت میں مقدمہ کردیا۔

اداکارہ کی جانب سے الزام عائد کیا گیا کہ کمپنی نے فلم کو بیک وقت دو میڈیم پر ریلیز کرکے معاہدے سے روگردانی کی۔

دوسری جانب والٹ ڈزنی نے الزام مسترد کرتے ہوئے کہا ہے کہ یہ معاہدے کا حصہ تھا اور ایکٹریس کو اس کی اضافی رقم بھی ادا کی گئی تھی۔