بالی ووڈ کی مقبول ترین اداکار جوڑی دیپیکا پڈوکون اور رنویر سنگھ نے ممبئی کے علاقے میں 22 کروڑ کا نیا بنگلہ خرید لیا۔
بھارتی میڈیا رپورٹس کے مطابق جوڑے نے رواں ہفتے ممبئی کے علاقے علی باغ میں ایک بنگلہ خریدا ہے جس کی مالیت 22 کروڑ بتائی جارہی ہے۔
دیپیکا پڈوکون اور رنویر سنگھ نے علی باغ میں رجسٹرار آفس پہنچ کر بنگلہ خریدنے کے لیے کاغذی کارروائی مکمل کرلی ہے۔
علی باغ کے ساحلی علاقے میں تعمیر شدہ بنگلے میں ناریل اور چھالیہ کے درخت بھی موجود ہیں۔
9 ہزار مربع میٹر زمین پر پھیلا ہوا یہ بنگلہ جوڑے کا دوسرا گھر ہوگا۔