کوہ پیما شہروز کاشف دنیا کی آٹھویں بلند ترین چوٹی مناسلو کے بیس کیمپ پہنچ گئے۔
نیپال میں واقع 8 ہزار163 میٹر بلند چوٹی مناسلو ہے جسے سر کرنے کی مہم جوئی کیلئے شہروز وہاں موجود ہیں۔
شہروز کاشف نے مناسلو چوٹی سر کرلی تو وہ یہ کارنامہ سرانجام دینے والے کم عمر پاکستانی کوہ پیما بن جائیں گے۔
یاد رہے کہ پاکستانی کوہِ پیما شہروز کاشف دنیا کی دوسری بلند ترین چوٹی کے ٹو سر کر کے سب سے کم عمری میں یہ اعزاز اپنے نام کرکے ورلڈ ریکارڈ بنا چکے ہیں۔
لاہور سے تعلق رکھنے والے شہروز کاشف 17 برس کی عمر میں پاکستان کی چوتھی بلند ترین چوٹی براڈ پیک سَر کرنے والے کم عمر ترین پاکستانی کوہ پیما بھی ہیں۔