کھوجی کتے جھگڑے کاباعث بن گئے ،4افراد زخمی

September 21, 2021

راولپنڈی (سٹاف رپورٹر)چوروں کی تلاش کے لئے منگوائے گئے کتے ،جھگڑے کاباعث بن گئے ،جن کے گھرکھوجی کتے گئے وہ کتے منگوانے والوں کے گھرچڑھ دوڑے ،رائفلوں کے بٹ اورڈنڈے مارکر چارافرادکوزخمی کردیا۔ تھانہ جاتلی کو محمد یعقوب نے بتایا کہ محمد فاروق ، حماد ، محرم، خرم ،عادل ،خیبر شاہ ، محمد علی اور بیس پچیس نامعلوم اشخاص میرے گھرمیں آ گئے،گالیاں دیں، میرے بیٹے محمد طارق، طاہر محمود آگے ہوئے تو ملزمان نے ڈنڈوں ،را ئفل کے بٹ اور مکو ں سے ان کو ما را ۔17 ہزار روپے، شناختی کارڈ، پاسپورٹ، اقامہ ،محکمانہ کارڈ اور 6 موبائل، مسجد کی رقم 2 لاکھ روپے، طلائی زیور وغیرہ بھی لےگئے۔ محمد اشفاق کے گھر سے 75 ہزار روپے، 5 تولے طلائی زیور، 2 موبائل لے گئے۔