پاکستانی گلوکار عاطف اسلم نے بقایا جات کی عدم ادائیگی پر ہندوستانی شہر گرگائوں میں کنسرٹ کرنے سے انکار کردیا۔
میڈیا رپورٹ کے مطابق عاطف اسلم کو 27 اگست کو گرگائوں میں ایک کنسرٹ میں شرکت کرنا تھی تاہم انہوں نے اس سے انکارکردیا ہے۔
عاطف اسلم کے آفیشل فیس بک پیج پر جاری بیان کے مطابق آرگنائزر نے مقررہ وقت تک پرفارمنس کی رقم منتقل نہیں کی تھی۔
اس پوسٹ میں عاطف اسلم کے پرستاروں سے درخواست کی گئی ہے کہ وہ ٹکٹیں خریدنے سے پہلے ہوشیار رہیں ہم پرستاروں سے درخواست کرتے ہیں کہ وہ کنسرٹ کے ٹکٹ نہ خریدیں اور مستقبل میں اس کمپنی کے کنسرٹس سے دور رہیں۔
32 سالہ عاطف اسلم نے 2005 میں بولی وڈ میں پہلا گانا فلم زہر کے لیے گایا تھا اور انہیں بھارت میں بہت پسند کیا جاتا ہے۔عاطف اسلم کے کریڈٹ میں دوری، جینا جینا اور متعدد دیگر ہٹ گانے ہیں۔
فرمان الہی
نماز کے اوقات
