طالبان نے ہلمند صوبے میں پولیس بیس پر کیے گئے خودکش حملے کی ڈرون فوٹیج جاری کردی، تین اکتوبر کو ہونے والے اس خودکش حملے میں پولیس سربراہ سمیت متعدد اہلکار ہلاک ہوئے تھے۔
آن لائن جاری ہونے والی فوٹیج میں دکھایا گیا ہے کہ خودکش بمبار گاڑی میں بیٹھتا ہے، یہ گاڑیاں امریکا کی جانب سے افغان فورسز کو دی گئی ہیں۔
گاڑی اپنے ہدف کی طرف روانہ ہوتی ہے اور بنا کسی دشواری کے پولیس بیس تک پہنچ جاتی ہے جہاں خودکش بمبار دھماکا کردیتا ہے، کسی ذمہ دار ذرائع سے فوٹیج کی تصدیق نہیں کی گئی۔