| |
Home Page
ہفتہ 28 صفر المظفر 1439ھ 18 نومبر 2017ء
November 01, 2016 | 03:15 pm

افغان خاتون شربت گلہ کیس کی سماعت کل تک ملتوی

Sharbat Gula Case Postpones Till Tomorrow

Sharbat Gula Case Postpones Till Tomorrow
غیر قانونی طور پر پاکستانی شناختی کارڈ بنوانے کے الزام میں گرفتار افغان خاتون شربت گلہ کے کیس کی سماعت خصوصی عدالت نے کل تک ملتوی کردی۔

شربت گلہ کے وکلاء نے دلائل دیتے ہوئے کہا کہ وہ بے قصور ہے اور افغانستان واپس جانا چاہتی ہے، غیرقانونی پاکستانی شناختی کارڈ بنوانے سے متعلق افغان خاتون شربت گلہ کے کیس کی سماعت ایف آئی اے کی خصوصی عدالت کے جج فرح جمشید نے کی۔

شربت گلہ کے وکلاء نے عدالت میں دلائل دیتے ہوئے کہا کہ وہ بے قصور ہے اس نے کوئی جرم نہیں کیا، ہزاروں کی تعداد میں افغان مہاجرین پاکستان میں موجود ہیں جن کے پاس قانونی دستاویزات بھی نہیں لیکن انہیں کچھ نہیں کہا گیا، تاہم شربت گلہ کو گرفتار کیا گیا۔

وکلاء نے ان کی فوری رہائی کا مطالبہ کرتے ہوئے عدالت کو بتایا کہ شربت گلہ واپس افغانستان جانے کی تیاریاں کررہی تھی،خاتون بیوہ اور بیمار ہے۔

عدالت نے شربت گلہ کے وکلاء کے دلائل سننے کے بعد کیس کی سماعت کل تک ملتوی کردی ۔