| |
Home Page
جمعہ 25 ذیقعدہ 1438ھ 18 اگست 2017ء
November 02, 2016 | 01:16 pm
ترک وزیر اعظم کا سزائے موت پر محدود عمل درآمد پر غور

Turkey Could Reinstate Limited Measure Of Death Penalty Says Prime Minister

Turkey Could Reinstate Limited Measure Of Death Penalty Says Prime Minister
ترک وزیراعظم بن علی یلدرم نے کہا ہے کہ ملک میں سزائے موت پر عائد پابندی کو ’محدود طور پر‘ اٹھانے پر غور کیا جا رہا ہے، اگر سیاسی جماعتیں اس بات پر متفق ہوئیں، تو یہ پابندی ختم کی جا سکتی ہے۔

انقرہ میں اپنے خطاب میں یلدرم نے تفصیلات بتائے بغیر کہا کہ اس سلسلے میں دیگر سیاسی جماعتوں کے ساتھ بات چیت کی جائے گی۔ واضح رہے کہ یورپی یونین کی رکنیت کے لیے بات چیت کے آغاز پر ترکی نے2004 ء میں سزائے موت پر پابندی عائد کی تھی۔

ترکی میں 1984 ءسے اب تک سزائے موت پر عمل درآمد نہیں کیا گیا ہے، تاہم جولائی میں ناکام فوجی بغاوت کے بعد ترکی میں جاری کریک ڈاؤن کے آغاز کے بعد سے کہا جا رہا ہے کہ انقرہ حکومت ملک میں سزائے موت پر عمل درآمد پر پابندی کے خاتمے کا سوچ رہی ہے۔