کراچی کے علاقے نارتھ ناظم آباد میں پولیس نے کارروائی کرکے مردم شماری ٹیم کا تعاقب کرنے والے مشکوک شخص کو گرفتار کرلیا۔
ایس پی گلبرگ بشیر بروہی نے ’جیو نیوز‘ کو بتایا کہ نارتھ ناظم آباد بلاک این مہدی حسن پارک میں چھاپا مار کر ایک مشکوک شخص کو گرفتار کیا گیا ہے۔
ملزم کی شناخت 27 سالہ دانش کے نام سے ہوئی ہے، ملزم گزشتہ کئی روز سے مردم شماری کی ٹیم کا پیچھا کر رہا تھا اور تصاویر اور ویڈیو بنا رہا تھا۔
ملزم کے قبضے سے مذہبی لٹریچر اور ایک نوٹ بک برآمد ہوئی ہے جس میں ہندی زبان میں تحریر درج ہے، پولیس حکام کے مطابق ہندی تحریر کا ماہر زبان سے ترجمہ کرایا جائے گا۔
فرمان الہی
نماز کے اوقات
