متحدہ عرب امارات کے وزیر مملکت برائے خارجہ امور انور قرقاش نے کہا ہے کہ قطر کا بحران خلیجی ممالک کی باہمی کشیدگی ہے جسکا حل صرف سعودی عرب کومنانے پر منحصر ہے۔
اپنے ٹویٹر اکاؤنٹ پر ٹویٹ کرتے ہوئے اماراتی وزیر نے کہا کہ قطر کی ہٹ دھرمی اور معاندانہ روئیے سے موجودہ مسئلہ مزید پیچیدہ ہوگا ، جبکہ بحران کا مناسب حل تلاش کے بجائے گروہ بندی اور غیرملکی طاقت کا مظاہرہ کرنے کی کوشش قطر کو اُس کھائی کی طرف ڈھکیل دے گا جس کی ہم نے کبھی خواہش نہیں کی۔
قرقاش نے قطری قیادت کو مشورہ دیا کہ وہ خلیجی بھائیوں کی حق تلفی کرنے کا اعتراف کرلیں اور معافی مانگ کر خلیجی کونسل سے اپنی وفاداری کا ثبوت دیں۔