آپریشن خیبر فور میں پاک فوج نے مختلف سمتوں سے پیش قدمی کرتے ہوئے 90 فیصد علاقہ کلیئر کرا لیا، 13دہشت گرد مارے گئے جبکہ ایک فوجی جوان نے جام شہادت نو ش کیا۔
آئی ایس پی آر کے مطابق آپریشن خیبر فور میں حصے لینے والی انفنٹری اور ایس ایس جی کی پیش قدمی جاری ہے، دہشت گردوں کے گرد گھیرا تنگ کیا جارہا ہے۔
دہشت گردوں کی بچھائی ہوئی بارودی سرنگیں ناکارہ بنا دی گئیں اور ان کی کمین گاہیں تباہ کر دی گئی ہیں۔
آپریشن میں 13 دہشت گرد ہلاک اور 6 زخمی ہوئے ،جبکہ کارروائی کے دوران پاک فوج کا ایک سپاہی عبد الجبار بھی شہید ہوگیا۔