آپریشن خیبر فور میں پاک فوج کی بڑی کامیابی، پاک افغان بارڈرکے قریب علاقے میں ’بارک محمد کنداو پہاڑ‘ کودہشت گردوں سے خالی کرالیا گیا، آئی ایس پی آر کے مطابق آپریشن میں کئی دہشت گرد ہلاک ہوئے۔
پاک فوج کے شعبہ تعلقات عامہ کے مطابق کارروائی میں چند دہشت گرد افغانستان فرار ہوئے ہیں۔ پاک افغان سرحد کے قریب پاک فوج نے سب سے بلند پہاڑی پر چوکی قائم کرلی۔
Op Khy4. Highest & craggiest mountain top Brekh Muhammad Kandao in Rajgal near Pak-Afg bdr cleared, post estb. No place for any terrorist. pic.twitter.com/X4jvHOF0W9
— Maj Gen Asif Ghafoor (@OfficialDGISPR) July 22, 2017
آئی ایس پی آر کا کہنا ہے کہ پاک فوج نے خیبر ایجنسی کے مشکل ترین علاقے میں سب سے اونچے’بارک محمد کنداو پہاڑ‘ کو دہشت گردوں سے خالی کرا کے اپنی چیک پوسٹ قائم کرلی ہے۔
آئی ایس پی آر کے مطابق ’بارک محمد کنداو پہاڑ‘ کا کنٹرول حاصل کرنے کے لیے پاک فوج کے فوجی دستوں کے ساتھ ایس ایس جی کمانڈوز نے بھی حصہ لیا۔
پاک افغان سرحد کے قریب ’بارک محمد کنداو پہاڑ‘ کی چوٹی 12 ہزار بلند ہے، گھنے جنگلات سے گھری اس چوٹی کی مدد سے چاروں جانب نظر رکھی جا سکتی ہے۔