قوم ڈاکٹر رتھ فاؤکی خدما ت کو سلام پیش کرتی ہے، صدرممنون

صدرمملکت ممنون حسین کا ڈاکٹر رتھ فاؤ کے انتقال پر تعزیت کا اظہار کرتے ہوئے کہنا ہے کہ پاکستانی قوم ڈاکٹر رتھ فاؤ کی خدمات کو سلام پیش کرتی ہے ۔

صدر ممنون حسین نے اپنے تعزیتی پیغام میں مزید کہا ہے کہ ڈاکٹر رتھ نے جذام کے خاتمے کے لیے ناقابل فراموش خدمات سر انجام دیں۔

انہوں نے یہ بھی کہا کہ ڈاکٹر رتھ نے انسانیت کی فلاح کے لیے اپنا وطن چھوڑ کر پاکستان کو اپنا وطن بنایا، ان کی خدمت کی عظیم روایت کو برقرار رکھا جائے گا۔