کورنگی میں سی ٹی ڈی سے مقابلے میں 2 دہشت گرد ہلاک

کراچی کے علاقے کورنگی میں سی ٹی ڈی پولیس نے مقابلے کے بعد ابوالحسن اصفہانی اور کورنگی میں پولیس اہلکاروں پر حملے میں ملوث 2 دہشت گرد ہلاک کردیئے۔

کورنگی زمان ٹاون نورانی بستی میں سی ٹی ڈی پولیس اور رینجرز نے دہشت گردوں کی اطلاع پہ گھر پہ چھاپہ مارا جس پر وہاں چھپے دہشت گردوں نے سی ٹی ڈی پولیس اہلکاروں پر فائرنگ کردی۔دوطرفہ شدیدفائرنگ کے تبادلے سے علاقہ مکین خوفزدہ ہوکر گھروں سے باہر نکل آئے۔

ایس ایس پی سی ٹی ڈی عمر شاہد، کا کہنا ہے فائرنگ کے تبادلے، میں 2 دہشت گرد ہلاک ہوگئے۔ہلاک دہشت گردوں کے قبضے سے پمفلٹ ملا ہے جس میں انہوں نے اصفحانی روڈ پہ ٹریفک پولیس اہلکاروں پر قاتلانہ حملے کی ذمہ داری قبول کی ہے۔

انچارج سی ٹی ڈی راجہ عمر، خطاب نے بتایا کہ دہشت گردوں سے ابوالحسن اصفہانی روڈ پر ٹریفک پولیس اہلکار سے چھینا ہوا اسلحہ بھی ملا ہے ۔

ہلاک ملزمان کا تعلق تحریک طالبان پاکستان مفتی شاکر گروپ سے ہے جو کہ اس کے علاوہ بھی شہر میں قتل کی وارداتوں میں ملوث ہیں۔