مظفرآباد : شر ط لگا کر دریا عبور کرنے والا نوجوان موجوں کی نذر

مظفرآباد میں شر ط لگا کر دریا عبور کرنے والا نوجوان بے رحم موجوں کی نذر ہوگیا۔ پولیس نے شرط لگانے والے 5 دوستوں کو گرفتار کرلیا۔

گجرات سے تعلق رکھنے والے 6دوست سیروتفریح کے لئے کوہالہ پل پہنچے تھے، جہاں دوستوں نے 19 سالہ علی ابرار سے دریائے جہلم عبور کرنے کی شرط لگائی۔ ابرار نے دریا میں چھلانگ لگائی ، لیکن تیز موجوں کی نذر ہوگیا۔

تھانہ بکوٹ پولیس نے ابرار کے والد کی مدعیت میں مقدمہ درج کر کے 5 دوستوں کو گرفتار کرلیا ہے۔

پولیس کے مطابق ملزمان نے موبائل اور 15 ہزار روپے کی شرط لگا کر علی ابرار کو دریا عبور کرنے پر مجبور کیاتھا۔