پنجاب فوڈ اتھارٹی نے لاہور کے علاقے شاہدرہ میں کارروائی کرتے ہوئے 15 ہزار کلو تیار ناقص مربہ جات اور 26 ہزار کلو خام مال برآمد کرکے فیکٹری سیل کردی۔
ڈی جی پنجاب فوڈ اتھارٹی نور الامین مینگل کے مطابق تیار مربہ جات کے ڈرموں میں مکھیوں کی بھر مار پائی گئی ،مربے تیار کرنے کے لیے ناقص اورگلے سڑے پھل استعمال کیے جا رہے تھے جبکہ مربوں پر پھپھوندی اور مکڑی کے جالے بھی لگےہوئےتھے۔
انہوں نےکہاکہ فیکٹری میں کام کرنے والے مزدوروں کی جسمانی حالت انتہائی ناقص تھی اور ان کے پاس میڈیکل سرٹیفکیٹس بھی نہیں تھے جس پر فیکٹری سیل کردی گئی۔