پاکستان کرکٹ ٹیم کے سابق کپتان وسیم اکرم کا کہنا ہے کہ ورلڈ الیون کا پاکستان آنا ایک مثبت قدم تھا، اگلے ماہ سری لنکا کی ٹیم کے آنے کے بعد دنیا کو مزید واضح پیغام جائے گا ۔
کراچی میں میڈیا سے گفتگو میں وسیم اکرم نے کہا کہ لاہور میں ورلڈ الیون کو ایکشن میں دیکھ کر کافی فخر محسوس ہوا ۔
سوئنگ کے سلطان نے کہا کہ پاکستان میں کرکٹ آہستہ آہستہ واپس آئے گی، پی سی بی کو بھی جلد بازی سے گریز کرنا چاہئے ۔
انہوں نےکہا کہ سرفراز احمد کی کپتانی کافی اچھی جارہی ہے، پلیئرز بھی انہیں پسند کرتے ہیں ۔