فرانس:اووسیز پاکستانیوں کی ناخواندگی کے خلاف مہم

19 اکتوبر ، 2017

اوورسیز پاکستانیوں نے وطن عزیز سے ناخواندگی خصوصی طور خواتین کو خواندہ اور ہنر مند بنانے کےلیے اپنی مدد آپ کے تحت ایک مہم شروع کی ہے، جس کے تحت کراچی سے خیبر تک دو سال کے مختصر سے عرصہ میں ناخواند خواتین اور بچیوں کو تعلیم اور ہنر سے آراستہ کیا جارہا ہے۔

اس مہم کا آغاز فرانس میں مقیم ناصر عباس تارڑ اور ان کے بھائی ظفر اقبال تارڑ نے دوستوں کے تعاون سے کیا ہے۔

اس مشن کو آگے بڑھانےکےلئے میاں شہباز کسانہ آف کوٹلہ کی طرف سےایک اجلاس بلایا گیا، جس میں اتوارکواپرویلئیر نزد پیرس میں ایک اہم اجلاس منعقدہ کرنے کا فیصلہ کیا گیا۔

جنگ سے بات چیت کرتے ہوئے شرکاء نے اوورسیز پاکستانیوں کے نام پیغام میں کہا کہ ملک سے جہالت اور اندھیروں کو ختم کرنے کےلئے میدان میں آئیں تاکہ سیاست کی بجائے معاشرے کو سدھار کر ملک کو آگے بڑھایا جائے اور وطن کے ٹیلنٹ کو آگے آنے کا موقع فراہم کیا جاسکے۔

اجلاس میں ناصر عباس تارڑ ،ظفر اقبال تارڑ، میاں شہبازکسانہ ، چوہدری عدنان فیصل، ظہیر احمد، وحید احمد اور محمداسلم نے شرکت کی۔

تازہ ترین