سابق وزیراعظم نواز شریف نے کمرہ عدالت میں رپورٹر کی جیب سے والٹ گرتا دیکھ کر اسے مخاطب کرتے ہوئے کہا کہ والٹ کو جیب میں ڈال لیں، پرس کوئی نکال لے گا تو الزام مجھ پر آجائے گا۔
سماعت سے قبل جب نواز شریف اپنی صاحبزادی مریم نواز اور پارٹی رہنماؤں کے ہمراہ فیڈرل جوڈیشل کمپلیکس پہنچے تو صحافی نے سوال کیا کہ استثنیٰ کے باوجود آج آپ آگئے ہیں جس پر نواز شریف نے کہا کہ دیکھیں ہم کیسے کیسے دور سے گزر رہے ہیں۔
واضح رہے کہ احتساب عدالت کی جانب سے سابق وزیر اعظم کو ایک ہفتے کے لئے حاضری سے استثنیٰ دیے جانے کے باوجود وہ آج عدالت میں پیش ہوئے ہیں۔