فلسطین القدس اور الاقصیٰ کے بغیر نامکمل ہے ، فلسطینی سفیر

فلسطین کے سفیر ولید ابو علی کا کہنا ہے کہ ڈونلڈ ٹرمپ کے امریکی سفارت خانے کو مقبوضہ بیت المقدس منتقل کرنے کے نتائج سنگین ہوں گے، فلسطین القدس اورالاقصیٰ کے بغیر نامکمل ہے۔

اسلام آباد میں چیئرمین پاکستان علما کونسل طاہر اشرفی کے ہمراہ میڈیا سے گفتگو میں فلسطینی سفیر کا کہنا تھا کہ امریکی صدر ٹرمپ کا فیصلہ عالمی برادری کی قراردادوں اور قوانین کی نفی ہے۔

انہوں نے امید ظاہر کی کہ او آئی سی اجلاس میں مسلم ممالک ٹرمپ کو سخت پیغام دیں گے ، امریکا فلسطین، اسرائیل مذاکرات کا ضامن ہے، یروشلم فلسطین کا دل ہے۔