اراکین کو اغوا شدہ قرار دینا پارلیمان کے تقدس کی پامالی ہے، لیاقت شاہوانی

بلوچستان حکومت کے ترجمان لیاقت شاہوانی نے کہا ہے کہ اراکین اسمبلی کو اغوا شدہ قرار دینا اراکین، جمہوریت و پارلیمان کے تقدس کی پامالی ہے۔

کوئٹہ سے جاری بیان میں لیاقت شاہوانی نے کہا کہ اراکین کو زبردستی اسمبلی آنے سے نہ کوئی روک سکتا ہے اور نہ زبردستی اسمبلی لاسکتا ہے۔

انہوں نے کہا کہ معزز ایوان میں اراکین کے تقدس کی پامالی و غیر پارلیمانی الفاظ کا استعمال افسوس ناک ہے۔