• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک بھارت میچ کو جنگ نہ بنائیں: بیڈمنٹن اسٹار پلوشہ بشیر

تازہ ترین
کھیلوں کی خبریں
24 اکتوبر ، 2021


پاکستان کی بیڈمنٹن اسٹار پلوشہ بشیر نے ٹی 20 ورلڈ کپ کے سب سے بڑے مقابلے پاکستان اور بھارت کے میچ سے قبل شائقینِ کرکٹ کو خصوصی پیغام دیا ہے۔

پلوشہ بشیر کا کہنا ہے کہ شائقینِ کرکٹ پاکستان اور بھارت کے میچ کو جنگ میں تبدیل نہ کریں، یہ صرف کھیلوں کا ایک مقابلہ ہے۔

انہوں نے پاکستانی ٹیم کے لیے اپنی نیک خواہشات کا اظہار کرتے ہوئے کہا کہ ’انہیں اُمید ہے کہ پاکستان بابر اعظم کی قیادت میں بھارت کو شکست دے گا۔‘

بیڈمنٹن اسٹار نے کہا کہ ’یہ صرف ایک کھیل ہے، کھیل ایک ذریعہ ہے جس سے لوگ قریب آتے ہیں اور امن و امان کو فروغ دیا جاتا ہے۔‘

پلوشہ بشیر نے کہا کہ ’براہِ کرم! اس کھیل کو جنگ نہ بنائیے گا اور نہ ہی کوئی لڑائیاں ہونی چاہئیں۔‘

پاکستان کرکٹ ٹیم کو کبھی کم نہ سمجھا جائے: شعیب اختر

قومی کرکٹ ٹیم کے سابق فاسٹ بولر شعیب اختر کا کہنا ہے کہ پاکستان کرکٹ ٹیم کو کبھی کم نہ سمجھا جائے، گرین کیپس کسی کو بھی حیران کر سکتی ہیں۔

انہوں نے مزید کہا کہ ’بہترین ٹیم جیتے گی اور انہیں یقین ہے کہ جیت انشاءاللّہ پاکستان ہی کی ہوگی۔‘

یاد رہے کہ ٹی ٹوئنٹی ورلڈکپ کا سب سے بڑا میچ آج کھیلا جائے گا، پاک بھارت ٹاکرے میں وزیراعظم عمران خان بھی پاکستان کی جیت کے لیے پُرامید ہیں۔

کوہلی الیون کی بیٹنگ کا مقابلہ کرنے کے لیے پاکستانی شاہینوں نے تیاریاں مکمل کرلی ہیں۔ قومی کرکٹ ٹیم کے کپتان بابر اعظم ٹیم کی کامیابی کے لیے پُرامید ہے۔

پاک بھارت ٹاکرا: شاہد آفریدی کی خصوصی تیاری

دُنیائے کرکٹ کے سب سے بڑے مقابلے پاک بھارت میچ کے لیے سابق کپتان شاہد آفریدی نے خصوصی تیاری کرلی۔

پاکستان اور بھارت کے درمیان میچ آج پاکستانی وقت کے مطابق شام 7 بجے دبئی اسٹیڈیم میں کھیلا جائے گا۔

تازہ ترین