منشیات کیس میں آریان کو والد کے باعث امید ہے، والد ارباز مرچنٹ

منشیات کیس میں شاہ رخ خان کے بیٹے آریان خان کے ہمراہ گرفتار ارباز مرچنٹ کے والد اسلم مرچنٹ نے کہا ہے کہ آریان کی اپنے والد کے باعث اس کیس میں امیدیں ہیں۔ 

خیال رہے کہ آریان خان اور ارباز مرچنٹ کو رواں ماہ کے آغاز میں انسداد منشیات کے ادارے نارکوٹکس کنٹرول بیورو (این سی بی) نے ممبئی کے ساحل پر موجود کروز شپ پر چھاپا مار گرفتار کرلیا تھا۔ 

اپنے ایک انٹرویو کے دوران اسلم مرچنٹ نے کہا کہ آریان اور ارباز کو جلد ضمانت مل جائے گی۔

آریان خان نے درخواستِ ضمانت میں ہائی کورٹ کو کیا وضاحت دی؟

بالی ووڈ اسٹار شاہ رخ خان کے بیٹے آریان خان کی جانب سے ہائی کورٹ میں دائر اپیل میں کہا گیا کہ تفتیشی افسر نے ان کی واٹس ایپ چیٹس کی جس طرح کی تشریح کی وہ بلاجواز اور غلط ہے۔

ان کا کہنا تھا کہ میرا خیال ہے کہ کم از کم آریان کو امید ہے کہ ان کے والد شاہ رخ خان ہیں جو ایک مشہور اور بااثر شخصیت ہیں، جبکہ نہ تو ارباز اور نہ ہی اس کے والد کوئی اس طرح کی بااثر شخصیت ہیں۔ 

اسلم مرچنٹ کا کہنا تھا کہ ہم عام لوگ ہیں، ہمارے کوئی تعلقات نہیں ہیں۔ 

انہوں نے کہا کہ میرا خیال ہے کہ ارباز بدقسمت ہیں کہ وہ غلط وقت پر غلط جگہ پر تھے۔ 

والد کا کہنا تھا کہ ان کا بیٹا اپنے دوستوں کے لیے اچھا اور مخلص ہے، وہ اسے یاروں کا یار کہتے ہیں۔