• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سوات: لڑکی سے 4 سال تک مبینہ زیادتی، ملزم گرفتار

صوبہ خیبر پختون خوا کے ضلع سوات میں 20 سالہ لڑکی سے 4 سال تک مبینہ زیادتی کرنے والے ملزم کو پولیس نے گرفتار کر لیا۔

سوات پولیس کے مطابق مقدمے میں نامزد ملزم کے بھائی، بہن اور ایک ڈاکٹر کو بھی گرفتار کر لیا گیا ہے۔

لڑکی نے الزام عائد کیا ہے کہ پڑوسی شادی کا جھانسہ دے کر 4 برس تک اس سے زیادتی کرتا رہا۔

لڑکی کا کہنا ہے کہ ملزم نے 10 لاکھ روپے کا قرضہ بھی لیا جو واپس نہیں کیا۔

متاثرہ لڑکی نے یہ الزام بھی عائد کیا ہے کہ ملزم نے ڈاکٹر کے ذریعے 3 بار اس کا اسقاطِ حمل بھی کرایا۔

سوات پولیس کے مطابق لڑکی کی درخواست پر 2 دن قبل مقدمہ درج کیا گیا تھا۔

قومی خبریں سے مزید