• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نسلہ ٹاور گرانے کے اخراجات مالک سے لیے جائیں: تحریری فیصلہ

تازہ ترین
قومی خبریں
28 اکتوبر ، 2021


سپریم کورٹ آف پاکستان کی کراچی رجسٹری نے نسلہ ٹاور کیس کا تحریری فیصلہ جاری کر دیا جس میں کہا گیا ہے کہ نسلہ ٹاور گرانے کے اخراجات نسلہ ٹاور کے مالک سے لیے جائیں۔

تحریری فیصلے میں عدالت نے حکم دیا ہے کہ مالک رقم نہ دے تو کمشنر کراچی مالک کا پلاٹ بیچ کر رقم وصول کریں۔

عدالتِ عظمیٰ نے تحریری فیصلے میں حکم دیا ہے کہ نسلہ ٹاور گرانے کے لیے جدید ڈیوائسز کا استعمال کیا جائے۔

نسلہ ٹاور تاحال سرکاری تحویل میں نہیں لیا گیا

کراچی میں نسلہ ٹاور کو تاحال سرکاری تحویل میں نہیں لیا گیا، رہائشیوں کو عمارت خالی کرنے کے لئے دی جانے والی مہلت بھی ختم ہوچکی ہے۔

سپریم کورٹ کا تحریری فیصلے میں کہنا ہے کہ عمارت گرانے کے لیے وہ طریقہ کار اختیار کیا جائے جس طرح دنیا بھر میں عمارتیں گرائی جاتی ہیں۔

تحریری فیصلے میں سپریم کورٹ نے کہا ہے کہ جدید ڈیٹونیشن کا استعمال دنیا بھر سمیت بھارت میں بھی کیا جا رہا ہے۔

عدالتِ عظمیٰ نے تحریری فیصلے میں ہدایت کی ہے کہ یقینی بنایا جائے کہ نسلہ ٹاور گرانے کے دوران کوئی نقصان نہ ہو۔

نسلہ ٹاور گرانے کیلئے کمپنیوں سے درخواستیں طلب

کمشنر کراچی محمد اقبال میمن نے نسلہ ٹاور گرانے کے لیے کمپنیوں سے درخواستیں مانگ لیں۔

تحریری فیصلے میں عدالت نے حکم دیا ہے کہ نسلہ ٹاور گرانے کا عمل 27 اکتوبر کے بعد ایک ہفتے میں مکمل کیا جائے۔

سپریم کورٹ آف پاکستان کے تحریری فیصلے میں مزید کہا گیا ہے کہ عمارت گرانے کے بعد ملبہ بھی فوری اٹھایا جائے۔

عدالتِ عظمیٰ کا اپنے تحریری حکم میں یہ بھی کہنا ہے کہ کمشنر کراچی اس حوالے سے ہونے والی پیش رفت سے آج عدالت کو آگاہ کریں گے۔

تازہ ترین