ہربھجن سنگھ بھی شعیب ملک کی تعریف کیے بنا نہ رہ سکے

بھارتی کرکٹ ٹیم کے سابق اسپنر اور ٹیسٹ کرکٹر ہربھجن سنگھ بھی پاکستانی کھلاڑی شعیب ملک کی تعریف کیے بنا نہ رہ سکے۔

ہربھجن سنگھ نے اپنے ٹوئٹر پیغام میں شعیب ملک کی شاندار بیٹنگ کی تعریف کی اور ان کے لیے تالیاں بھی بجائیں۔

سابق بھارتی کھلاڑی نے اپنے پیغام میں کہا کہ شعیب ملک نے بڑی کلاس کی بیٹنگ کی ہے، انہوں نے 18 گیندوں پر 54 رنز بنا کر بہترین کھیل پیش کیا۔

آل راؤنڈر شعیب ملک نے پاکستان کی طرف سے ٹی ٹوئنٹی کرکٹ میں تیز ترین نصف سنچری کا ریکارڈ بھی بنادیا۔

سلمان احمد نے شعیب ملک کی جنون گانے پر پر فارم کرنے کی ویڈیو شیئر کردی

ٹوئٹر پر شیئر کی جانے والی اس ویڈیو کے کیپشن میں سلمان احمد نے شعیب ملک کو ٹیگ کرتے ہوئے 18 گیندوں پر 50 رنز بنانے پر انہیں زبردست انداز میں خراج تحسین پیش کیا ہے۔

شارجہ کرکٹ گراؤنڈ میں اسکاٹ لینڈ کے خلاف شعیب ملک نے صرف 18 گیندوں پر اپنی یہ نصف سنچری مکمل کی۔

شعیب ملک نے اپنی اننگز میں 6 چھکے اور ایک چوکا لگایا۔

اس سے قبل پاکستان کی طرف سے تیز ترین نصف سنچری کا ریکارڈ عمر اکمل کے پاس تھا۔

شعیب اختر نے شاندار بیٹنگ پر شعیب ملک کی تعریف کردی

اپنے ٹوئٹر پیغام میں شعیب اختر نے شعیب ملک کی دھواں دھار بیٹنگ کو سراہتے ہوئے کہا کہ شعیب ملک 40 سال کانوجوان ہے ، جوکہ بہت ہی بہترین کھلاڑی ہے۔

عمر اکمل نے ایجبسٹن کے مقام پر آسٹریلیا کے خلاف 21 گیندوں پر نصف سنچری بنائی تھی۔

واضح رہے کہ شعیب ملک اس سے قبل 23 گیندوں پر دو مرتبہ ٹی ٹوئنٹی انٹرنیشنل میں نصف سنچری بناچکے ہیں۔

انہوں نے پہلے 2017 میں اسکاٹ لینڈ کے خلاف جبکہ دوسری مرتبہ 2018 میں سری لنکا کے خلاف یہ کارنامہ انجام دیا تھا۔