بھارتی ٹیم ایئرپورٹ پر جلدی کیسے پہنچ سکتی ہے؟ فواد چوہدری نے بتادیا

وفاقی وزیر اطلاعات برائے نشریات فواد چوہدری نے ٹی ٹوئنٹی ورلڈ کپ سے باہر ہونے کے بعد بھارتی کرکٹ ٹیم کو مفید مشورہ دے دیا۔

فواد چوہدری نے مائیکرو بلاگنگ سائٹ ٹوئٹر پر جاری کیے گئے بیان میں کہا کہ ’بھارت کے لیے ایک بڑی خبر ہے۔‘

وفاقی وزیر نے کہا کہ ’اگر بھارتی ٹیم، نمیبیا کے خلاف میچ 3 اوورز میں ختم کر لیتے ہیں تو وہ جلد ایئرپورٹ پہنچ سکتے ہیں۔‘

فواد چوہدری کے اس دلچسپ مشورے پر شائقین کرکٹ کی جانب سے اُن کی تعریف کی جارہی ہے اور ساتھ ہی بھارتیوں کی ٹرولنگ کا سلسلہ بھی جاری ہے۔

ہمیں اصل غصہ ہی نیوزی لینڈ پر تھا: فواد چوہدری

وفاقی وزیر اطلاعات برائے نشریات فواد چوہدری نے پاکستان کی شاندار فتح کے بعد نیوزی لینڈ کے لیے خصوصی پیغام جاری کردیا۔

خیال رہے کہ نیوزی لینڈ نے گروپ میچ میں افغانستان کو شکست دے کر اس کے ساتھ ساتھ بھارت کو بھی ٹی ٹوئنٹی ورلڈکپ سے باہر کردیا۔

اپنی جیت کے ساتھ نیوزی لینڈ سیمی فائنل میں پہنچ گیا جبکہ بھارت سیمی فائنل کی دوڑ سے باہر ہوگیا۔