تیمور بینک لُوٹنا چاہتا ہے: سیف علی خان کا انکشاف

نواب خاندان سے تعلق رکھنے والے بالی ووڈ اداکار سیف علی خان نے انکشاف کیا ہے کہ اُن کا بڑا بیٹا تیمور علی خان بینک لُوٹ کر پیسے چوری کرنا چاہتا ہے۔

بھارتی میڈیا رپورٹس کے مطابق اداکارہ رانی مکھرجی کے ساتھ گفتگو کرتے ہوئے اپنے حالیہ انٹرویو میں سیف علی خان نے اپنے بڑے بیٹے تیمور کے بارے میں اہم انکشاف کیا۔

سیف علی خان نے کہا کہ ’تیمور کچھ ایسا ہی ہے جیسا کہ نقلی تلواریں اٹھانا اور لوگوں کا پُرتشدد طریقے سے پیچھا کرنا‘، جس پر رانی مکھرجی نے ہنستے ہوئے کہا کہ ’تیمور کے لیے ابھی یہی کرنا سب سے بہتر ہے۔‘

سیف علی خان مہنگی شادیوں سے خوفزدہ

بھارت کے نواب خاندان سے تعلق رکھنے والے بالی ووڈ اداکار سیف علی خان نے انکشاف کیا ہے کہ اُن کے 4 بچے ہیں اور اُنہیں مہنگی شادیوں سے ڈر لگتا ہے۔

اداکار نے کہا کہ ’نہیں! مجھے نہیں معلوم کہ ہم کیا کر رہے ہیں، بس بہترین کی امید ہے، میں تیمور کو اچھے کرداروں کے بارے میں معلومات دیتا ہوں لیکن وہ خود کو بُرا آدمی بننا چاہتا ہے، وہ بینک لُوٹ کر سب کے پیسے چُرانا چاہتا ہے۔‘

سیف علی خان کی بات سُن کر رانی مکھرجی نے پوچھا کہ ’کیا تیمور غلط سمت میں جارہا ہے؟ جس پر اداکار نے کہا کہ ’ہاں! میرے خیال میں ایسا ہی ہے لہٰذا میں تیمور کی والدہ کرینہ سے کہتا ہوں کہ تُم خود تیمور پر توجہ دو۔‘

تیمور اور جہانگیر کو اداکار نہیں بنانا چاہتی: کرینہ کپور

بالی ووڈ اداکارہ اور بیبو کے نام سے مشہور کرینہ کپور نے انکشاف کیا ہے کہ وہ اپنے دونوں بیٹوں تیمور علی خان اور جہانگیر علی خان کو اداکار نہیں بنانا چاہتی ہیں۔

واضح رہے کہ سیف علی خان کی پہلی شادی امریتا سنگھ سے ہوئی تھی جن سے اُن کی ایک بیٹی سارہ علی خان اور بیٹا ابراہیم علی خان ہے جبکہ اُنہوں نے دوسری شادی کرینہ کپور سے کی جن میں اُن کے دو بیٹے تیمور علی خان اور جہانگیر علی خان ہیں۔