فرمان الہی
نماز کے اوقات
کراچی (نیوز ڈیسک) جیوفلمز اور طلسمین اینی میشن اسٹوڈیوز کے تعاون سے تخلیق کی گئی پاکستان کی سب سے بڑی اور جیو کی پہلی اینی میٹڈ فلم ”ڈونکی کنگ“ نے چین میں بھی دھوم مچانا شروع کردی ہے۔ بیجنگ سے ملنے والی اطلاعات کے مطابق دُنیا کے کئی ممالک میں باکس آفس پر راج کرنے والی اس فلم کو چین کے 50 تھیٹرز میں پیش کیا گیا جہاں اس فلم کے 5 ہزار شوز دکھائے گئے۔ دوسری طرف اس فلم کے مشہور زمانہ گیت ”ڈونکی راجا“ اور ”اِنکی پنکی پونکی“ کو شجاع حیدر نے جس انداز سے پیش کیا اُسے بھی عالمی سطح پر خوب سراہا جارہا ہے۔ یاد رہے اِن گانوں کو اب تک 10 سے زائد زبانوں میں ڈب کرکے پیش کیا جاچکا ہے۔
