ڈیبیو سے قبل دھانی کی گرین شرٹ میں پہلی تصویر وائرل

22 نومبر ، 2021

پاک بنگلادیش ٹی ٹوئنٹی سیریز کے آخری رسمی میچ میں ڈیبیو کرنے والے شاہنواز دھانی نے میچ سے قبل گرین شرٹ میں پہلی تصویر سوشل میڈیا پر شیئر کردی۔

شاہنواز دھانی نے اپنے آفیشل ٹوئٹر اکاؤنٹ پر اپنی نئی تصویر شیئر کی جس میں وہ قومی کرکٹ ٹیم کی کِٹ میں ملبوس ہیں۔

ٹوئٹر پر اپنی تصویر شیئر کرتے ہوئے شاہنواز دھانی نے لکھا کہ ’الحمداللّہ! آج میں اپنے ملک کی نمائندگی کرنے جا رہا ہوں۔‘

شاہنواز دھانی نے لکھا کہ ’میں سبز رنگ میں کھیلنے کے لیے بہت خوش اور پُرجوش ہوں۔‘

دھانی نے مزید لکھا کہ ’یہ سب میری والدہ کی دعاؤں سے ہوا، مجھ سے محبت کرنے اور میری حمایت کرنے کے لیے آپ سب کا شکریہ، اور دعا کریں کہ میں اپنے ملک کو فخر محسوس کرواؤں۔‘

واضح رہے کہ پاکستان کرکٹ بورڈ ( پی سی بی) کا کہنا ہے کہ پاکستان اور بنگلا دیش کے درمیان تیسرے ٹی ٹوئنٹی انٹرنیشنل میں فاسٹ بولر شاہنواز دھانی اپنا ٹی ٹوئنٹی ڈیبیو کریں گے۔

تازہ ترین