• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بولٹن ،بیرسٹر راجہ غلام رسول مقامی قبرستان میں سپردخاک

بولٹن (ابرار حسین) بولٹن کے فارن ورتھ حلقہ سے لیبرپارٹی کے سابق چیئرمین اور حلقہ نمبر 5 کھوئی رٹہ آزاد کشمیر سے قانون ساز اسمبلی کے امیدوار بیرسٹر راجہ غلام رسول کا نماز جنازہ ادا کرکے تدفین کر دی گئی۔ وہ چار ہفتے قبل پاکستان سے برطا نیہ آئے تھے چند دن بولٹن گزارنے کے بعد ایک عزیز سے ملنے کیلئے لوٹن گئے جہاں ایک 16 سالہ پاکستانی نوجوان نے ان پر قاتلانہ حملہ کیا جس سے وہ شدید زخمی ہوگئے۔ اس واقعہ کی اطلاع فوری طور پر پولیس کو دی گئی جنہوں نے انہیں کیمبرج اسپتال پہنچایا اور انہیں ایک انتہائی نگہداشت یونٹ میں رکھا گیا مگر بدقسمتی سے چند روز زندگی اور موت کی کشمکش کے بعد زخموں کی تاب نہ لاتے ہوئے خالق حقیقی سے جا ملے۔ مقتول کے قاتل کو حراست میں لے کر ابتدائی تفتیش کے دوران بیڈفورڈ شائر کی مجسٹریٹ عدالت میں پیش کیا گیا جہاں اس پر فرد جرم عائد کر دی گئی اور واپس پولیس کی تحویل میں دے دیا گیا۔ مرحوم کی نماز جنازہ مکہ مسجد میں ادا کی گئی اور بعد ازاں انہیں مقامی قبرستان میں سپرد خاک کر دیا گیا۔
یورپ سے سے مزید