پیپلزپارٹی کے یوم تاسیس کا جلسہ آج پشاور میں ہوگا

پاکستان پیپلزپارٹی کے 54 ویں یومِ تاسیس کا جلسہ آج پشاور میں ہوگا، جس سے پارٹی چیئرمین بلاول بھٹو زرداری سمیت دیگر قائدین خطاب کریں گے۔

رپورٹس کے مطابق رنگ روڈ کبوتر چوک میں جلسہ کی تیاریاں مکمل کرلی گئیں، جلسے کے لیے 55 فٹ لمبا اور 40 فٹ چوڑا اسٹیج تیار کیا گیا ہے۔

حکمران ملک اور غریب کا بیڑا غرق کررہے ہیں، سعید غنی

وزیر اطلاعات سندھ سعید غنی نے کہا ہے کہ حکمران ملک اور غریب عوام کا بیڑا غرق کررہے ہیں۔

پشاور میں جیالوں نے آج جلسے کی تیاری کے سلسلے میں ریلی بھی نکالی اور نعرے بازی کی۔

دوسری جانب پولیس نے یوم تاسیس کے جلسے کے لیے ٹریفک پلان جاری کردیا ہے، پلان کے مطابق پی پی یوم یاسیس جلسے کے موقع پر 1 ہزار سے زائد ٹریفک اہلکار متبادل روٹس پر تعینات رہیں گے۔

ٹریفک پلان کے مطابق پشاور کے رنگ روڈ، کبوتر چوک کی جانب غیرضروری سفر اور بڑی گاڑیوں کا داخلہ بند ہوگا۔