• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرپشن پی ٹی آئی کا رکن کرے یا اپوزیشن، معافی نہیں، ریاض فتیانہ


پاکستان تحریک انصاف (پی ٹی آئی) کے رہنما ریاض فتیانہ کا کہنا ہے کہ کرپشن پی ٹی آئی کا رکن کرے یا اپوزیشن، معافی نہیں، میں نے حکومت یا کسی فرد کے خلاف بات نہیں کی، میرے حوالے سے دو جگہوں پر انکوائری ہورہی ہے، نتائج پر تبصرہ نہیں کرتا۔

ملک امین اسلم اور زرتاج گل کے گلاسگو میں ہونے والے مبینہ جھگڑے کا الزام لگانے والے پی ٹی آئی رہنما ریاض فتیانہ نے جیو نیوز سے گفتگو کرتے ہوئے کہا کہ حکومت کا پیسہ ہو یا ڈونرز کا صحیح جگہ پرخرچ ہونا چاہیے۔

ریاض فتیانہ نے کہا کہ سارے خاندان کو بزنس کلاس میں لے جاکر بڑے ہوٹلوں میں ٹھہرانا نہیں چاہیے۔

پی ٹی آئی رہنما نے کہا کہ  ابھی مجھے کسی نے نہیں بلایا، وزیراعظم بلائیں گے تو ضرور بتاؤں گا، میرا ان کے ساتھ ذاتی جھگڑا نہیں ہے۔

ریاض فتیانہ  نے کہا کہ گلاسگو کانفرنس میں قائد اعظم، وزیر اعظم کی تصویر ہونی چاہیےتھی، وہاں لگڑ بھگڑ کی تصویر کی جگہ پاکستان کے سیاحتی مقامات کی تصویر ہونی چاہیے تھی۔

قومی خبریں سے مزید