• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستانی نوجوانوں میں دنیا کا ہر میدان فتح کرنے کی صلاحیت موجود ہے، وزیر اعظم

فائل فوٹو
فائل فوٹو

وزیر اعظم عمران خان نے کہا ہے کہ پاکستانی نوجوانوں میں دنیا کا ہر میدان فتح کرنے کی صلاحیت موجود ہے، نوجوانوں کو کھیلوں کی سہولیات فراہم کرنا اولین ترجیح ہے، مقامی سطح پر کھیلوں میں شرکت سے نوجوانوں کو مواقع فراہم کیے جائیں گے۔

وزیر اعظم عمران خان کی زیرصدارت نیشنل اسپورٹس پالیسی سے متعلق اجلاس ہوا جس میں عمران خان کو پاکستان اسپورٹس بورڈ کے انتظامی ڈھانچے پر بریفنگ دی گئی۔

بریفنگ میں کہا گیا کہ پاکستان اسپورٹس بورڈ کا آئینی مسودہ تیار ہے، بورڈ اور ایگزیکٹو کمیٹی کے ممبران کی تعداد کو محدود رکھا گیا ہے، آئین کے تحت ادارے کا نیا انتظامی ڈھانچہ بھی تیار کیا گیا ہے۔

اس موقع پر وزیر اعظم عمران خان نے کہا کہ پاکستان اسپورٹس بورڈ ریگولیٹر کے طور پر کام کرے گا، پی ایس بی نوجوانوں کو کھیلوں کی معیاری سہولیات کی فراہمی یقینی بنائے گا۔

قومی خبریں سے مزید