ضمنی انتخاب میں فول پروف سیکیورٹی دے رہے ہیں: CCPO لاہور

05 دسمبر ، 2021

لاہور کے حلقہ این اے 133 میں ضمنی الیکشن کے سلسلے میں ووٹنگ جاری ہے، سی سی پی او لاہور فیاض احمد دیو کا حلقے کی سیکیورٹی کے حوالے سے کہنا ہے کہ ووٹرز، پولنگ اسٹاف اور شہریوں کو فول پروف سیکیورٹی دی جا رہی ہے۔

میڈیا سے گفتگو کرتے ہوئے انہوں نے کہا کہ الیکشن کمیشن کے کوڈ آف کنڈکٹ پر عمل درآمد کرایا جا رہا ہے، تمام جماعتیں ضابطۂ اخلاق کی پابندی کریں۔

سی سی پی او لاہور فیاض احمد دیو کا کہنا ہے کہ کسی کو ووٹنگ کے عمل میں رکاوٹ ڈالنے اور قانون شکنی کی اجازت نہیں دی جائے گی۔

انہوں نے بتایا کہ 6 ایس پیز، 14 ایس ڈی پی اوز، 44 ایس ایچ اوز اور 2 ہزار سے زائد پولیس اہلکار الیکشن ڈیوٹی پر مامور ہیں، جبکہ سی سی ٹی وی کیمروں کے ذریعے مانیٹرنگ بھی جاری ہے۔

سی سی پی او لاہور کا مزید کہنا ہے کہ ووٹرز کو مکمل چیکنگ کے بعد ہی پولنگ اسٹیشنز میں داخلے کی اجازت دی جا رہی ہے۔

فیاض احمد دیو نے یہ بھی بتایا کہ شہر کے داخلی و خارجی راستوں پر سیکیورٹی چیکنگ بھی بڑھا دی گئی ہے۔

یہ بھی پڑھیے