بھارت میں اومی کرون بڑھنے لگا، کیسز کی تعداد 12 ہوگئی

بھارت میں کورونا وائرس کے اومی کرون ویرینٹ کے کیسز بڑھنے لگے ہیں، جہاں اب تک ان کیسیز کی تعداد 12 ہوگئی ہے۔ 

بھارتی میڈیا کی رپورٹ کے مطابق ایک تنزانیہ سے نئی دہلی آنے والے شخص میں اومی کرون ویرینٹ کی تصدیق ہوئی ہے۔ 

تازہ اطلاعات کے مطابق ریاست مہاراشٹر میں مزید 7 کیسز رپورٹ ہوئے ہیں جس کے بعد بھارت میں مجموعی طور پر کیسز کی تعداد 12 ہوگئی ہے۔ 

بھارت میں اومی کرون کا ایک مریض فرار ہو گیا

بھارت میں عالمی وباء کورونا وائرس کی نئی قسم اومی کرون کا ایک مریض فرار ہو گیا

دوسری جانب بھارتی وزارت صحت کا کہنا ہے کہ بھارت میں گزشتہ 24 گھنٹوں میں کورونا کے 8 ہزار 895 نئے کیسز رپورٹ ہوئے۔

جبکہ گزشتہ 24 گھنٹوں میں کورونا سے 2 ہزار 796 اموات رپورٹ ہوئیں۔

ان اعداد و شمار میں ریاست بہار اور کیرالہ کی نظرثانی شدہ کورونا اموات بھی شامل ہیں، بھارت میں جولائی کے بعد سے پہلی بار 2000 سے زیادہ یومیہ کورونا اموات رپورٹ ہوئی ہیں۔