رواں برس 24 صحافی قتل ہوئے

صحافیوں کی عالمی تنظیم کمیٹی ٹو پروٹیکٹ جرنلسٹس کی سالانہ رپورٹ میں کہا گیا ہے کہ رواں سال (2021ء میں) ریکارڈ 293 صحافیوں کو قید اور 24 کو قتل کیا گیا۔

رپورٹ میں کہا گیا ہے کہ جیل کی سلاخوں کے پیچھے صحافیوں کی بڑھتی تعداد آزادانہ رپورٹنگ کے خلاف عدم برداشت کی اور آمرانہ حکومت کی علامت ہے۔

صحافیوں کی عالمی تنظیم کمیٹی ٹو پروٹیکٹ جرنلسٹس نے کہا ہے کہ صحافیوں کے قتل، قید، سنسر شپ اور ان کو دھمکیاں دینے کی مذمت کرتے ہیں۔

خاشقجی قتل کیس، فرانس میں گرفتار سعودی شہری رہا

فرانس میں سعودی صحافی جمال خاشقجی کے قتل کے سلسلے میں مشتبہ شخص کی گرفتاری غلط معلومات کا نتیجہ نکلی، مکمل جانچ پڑتال کے بعد فرانسیسی حکام نے زیر حراست شخص کو رہا کردیا

سی پی جے کی رپورٹ کے مطابق 2021ء میں چین میں 50، برما میں 26، مصر میں 25، ویت نام میں 23، بیلا روس میں 19 صحافیوں کو قید کیا گیا۔

رپورٹ میں یہ بھی بتایا گیا ہے کہ سعودی عرب، ایران، ترکی، روس، ایتھوپیا اور اریٹیریا میں بھی صحافیوں کو قید کی سزا سنائی گئی۔

واضح رہے کہ گزشتہ سال (2020ء میں) دنیا بھر میں 280 صحافیوں کو جیل میں ڈالا گیا تھا۔