عارف والا: کرکٹ میچ میں رنجش، نوجوان قتل

عارف والا میں کرکٹ میچ کے دوران جھگڑے کے رنج میں مخالفین نے نوجوان کو والد کے سامنے قتل کر دیا۔

مقتول سیکنڈ ایئر کا طالب علم تھا، پولیس نے مقدمہ درج کر کے ملزمان کی تلاش شروع کر دی۔

تھانہ رنگ شاہ پولیس کے مطابق ابوبکر طلحہٰ کا گزشتہ روز کرکٹ میچ کے دوران امیر حمزہ اور سعید وغیرہ کے ساتھ جھگڑا ہو گیا۔

کراچی میں آئی ٹی کے ماہر کروڑ پتی نوجوان کا قتل، اہلیہ اور ملازم گرفتار

راجہ عمر خطاب کے مطابق شارع فیصل پر واقع سینٹر کے مالک آغا خانی نوجوان شہباز نتھوانی کی اہلیہ مئی میں جھگڑے کے بعد ناراض ہوکر اپنی ماں کے گھر ملیر چلی گئی تھی۔

میچ کے بعد ابوبکر طلحہٰ اپنے والد محمد ارشاد کی تیل کی ایجنسی پر چلا گیا جہاں ملزمان نے اسے باپ کے سامنے فائرنگ کر کے زخمی کر دیا اور فرار ہو گئے۔

ابوبکر طلحہٰ کو شدید زخمی حالت میں تحصیل ہیڈ کوارٹر اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔

پولیس نے قتل کا مقدمہ درج کر کے ملزمان کی تلاش شروع کر دی۔