• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرائسٹ چرچ حملہ، شہید نعیم رشید اور انکے بیٹے کو نیوزی لینڈ کا اعلیٰ ترین بہادری ایوارڈ مل گیا

تازہ ترین
بین الاقوامی خبریں
16 دسمبر ، 2021


کرائسٹ چرچ حملہ آور کا مقابلہ کرنے پر نیوزی لینڈ کے دو شہریوں کو ملک کا اعلیٰ ترین بہادری ایوارڈ دیا گیا ہے، حملہ آور سے مقابلے کے دوران شہید ہونے والے نعیم رشید اور زندہ بچنے والے عبدالعزیز کو نیوزی لینڈ کراس سے نوازا گیا۔

وزیر اعظم جیسنڈا آرڈن کا کہنا ہے کہ یہ ایوارڈ اعلیٰ ترین وکٹوریا کراس کے مساوی سویلین ایوارڈ ہے، نیو زی لینڈ میں یہ ایوارڈ اس سے پہلے صرف دو مرتبہ دیا گیا ہے۔

کیا کرائسٹ چرچ میں مسجدوں پر حملےکو روکا جاسکتا تھا؟

نیوزی لینڈ کی وزیر اعظم جسنڈا آرڈن نے کہا ہے کہ حملے میں شہید ہونے والوں کے اہل خانہ احتساب پر عمل ہوتا ہوا دیکھیں گے۔

غیر ملکی خبر ایجنسی کے مطابق کرائسٹ چرچ حملہ آور کا مقابلہ کرنے والے مزید 8 افراد کو بہادری کے میڈل دیئے گئے ہیں۔

بہادری کے میڈلز حاصل کرنے والوں میں حملہ آور کو گرفتار کرنے والے 2 پولیس اہلکار بھی شامل ہیں جنہوں نے حملہ آور کو فرار ہونے سے روکا اور گرفتار کیا۔

واضح رہے کہ کرائسٹ چرچ مساجد پر 2019ء کے دہشت گرد حملے میں 51 مسلمان شہید ہوئے تھے۔

تازہ ترین