نورا فتیحی نے شکیرا کو کاپی کرلیا، سوشل میڈیا پر تنقید

بھارتی سلیبریٹی نورا فتیحی نے نامور کولمبین گلوکارہ شکیرا کو کاپی کرلیا جس کے بعد انہیں تنقید کا سامنا کرنا پڑرہا ہے۔

گلوکار گرو رندھاوا کے گانے ’ڈانس میری رانی‘ میں نورا نے پرفارم کیا ہے۔ 

گانے کے ایک حصے کے لیے نورا فتیحی نے نہ صرف اسی طرح کے بال بنائے اور لباس زیب تن کیا بلکہ انہوں نے ایسا ڈانس بھی کیا جو اکثر شکیرا اپنے گانوں میں کرتی رہی ہیں۔ 

ویڈیو شیئرنگ پلیٹ فارم پر جیسے ہی ویڈیو جاری کی گئی تو دیکھنے والے ایک مداح نے تنقید کرتے ہوئے کہا کہ ارے شکیرا کا ہیئر اسٹائل کاپی کرلیا کم از کم ڈریس تو کاپی نہ کرتے۔ 

ایک صارف نے نورا کو ممبئی کے پلیکا بازار میں شکیرا کی کاپی بولا تو ایک نے گانے پر تبصرہ کیا کہ یہ تو ٹونی ککڑ اور شکیرا کا ری مکس ہے۔ 

کچھ صارفین کو گانا تو پسند نہیں آیا لیکن نورا فتیحی کا رقص انہیں بھاگیا اور ساتھ میں یہ تبصرہ بھی کہا کہ نورا نے خود کو اس گانے میں ضائع کیا۔