کراچی: منی مارٹ میں فائرنگ، بھائی کیساتھ بائیک پر بیٹھی معصوم بچی نشانہ بن گئی

کراچی کے علاقے لانڈھی میں منزل پمپ کے قریب منی مارٹ میں لوٹ مار کی واردات کے دوران ہونے والی فائرنگ سے 4 سالہ بچی جاں بحق اور 1 ملزم زخمی ہو گیا۔

پولیس کے مطابق لوٹ مار کے بعد فرار ہوتے ہوئے 3 ملزمان اور مارٹ کے گارڈ کے درمیان فائرنگ کا تبادلہ ہوا۔

سی سی ٹی وی فوٹیج میں فائرنگ کے تبادلے کے دوران 2 ڈاکوؤں کو فرار ہوتے دیکھا جا سکتا ہے۔

پتوکی: 8 سالہ ملازمہ مبینہ تشدد سے قتل

پنجاب کے ضلع قصور کے شہر پتوکی کی رہائشی 8 سالہ گھریلو ملازمہ مبینہ طور پر مالکان کے تشدد سے جاں بحق ہو گئی۔

پولیس کے مطابق لانڈھی منزل پمپ کے قریب 3 ملزمان نے مارٹ میں لوٹ مار کی، ڈاکوؤں نے فرار ہوتے ہوئے فائرنگ کی تو مارٹ کے سیکیورٹی گارڈ نے جوابی فائرنگ کر دی۔

فائرنگ کے تبادلے میں 1 ڈاکو زخمی ہو گیا جبکہ قریب ہی بڑے بھائی کے ساتھ موٹر سائیکل پر گزرنے والی 4 سالہ بچی بھی فائرنگ کی زد میں آ کر زخمی ہو گئی۔

زخمی بچی حرمین کو اسپتال منتقل کیا گیا لیکن وہ جانبر نہ ہو سکی، مقتول بچی کے بھائی نے حکومت سے انصاف کی فراہمی کا مطالبہ کیا ہے۔

پولیس نے زخمی ملزم پیار علی کو گرفتار کر کے اس کے قبضے سے اسلحہ اور 50 ہزار روپے برآمد کر لیے، جبکہ دیگر 2 ملزمان فرار ہونے میں کامیاب ہو گئے۔