فرمان الہی
نماز کے اوقات
چیئرمین پیپلز پارٹی بلاول بھٹو زرداری نے والدہ شہید محترمہ بینظیر بھٹو کو زبردست خراج عقیدت پیش کیا ہے۔
بلاول بھٹو نے ٹوئٹر پر گڑھی خدا بخش کی ایک ویڈیو شیئر کی ہے جس میں گزشتہ روز کے جلسے کی بھی جھلکیاں موجود ہیں۔
چیئرمین پیپلز پارٹی نے شہید محترمہ بینظیر بھٹو کیلئے بنائے گئے نغمے کے بول بھی اپنے ٹوئٹ میں تحریر کیے۔
وفاق کی اُمنگ تھی، عوام ہی کے سنگ تھی
کنیزِ کربلا کی بس ، یزیدیت سے جنگ تھی
خیال رہے کہ سابق وزیراعظم محترمہ بے نظیر بھٹو کی 14 ویں برسی روایتی جوش و خروش اور عقیدت و احترام کے ساتھ منائی گئی،جلسے کے آغاز سے قبل مشاعرہ ہوا جس میں بے نظیر بھٹو کو خراج عقیدت پیش کیا گیا۔
برسی کے موقع پر کارکنوں کی بڑی تعداد نے بے نظیر بھٹو کے مزار پر فاتحہ خوانی کی اور پھول چڑھائے، برسی کے موقع پر سیکورٹی کے سخت انتظامات کیے گئے تھے ۔
