آرمی چیف سے یونان کے سفیر کی الوداعی ملاقات

آرمی چیف جنرل قمرجاوید باجوہ سے پاکستان میں یونان کے سفیر نے الوداعی ملاقات کی۔

آئی ایس پی آر کے مطابق اس موقع پر باہمی دلچسپی کے امور، علاقائی سلامتی، افغانستان کی صورتحال اور مختلف شعبوں میں تعاون پر تبادلہ خیال کیا گیا۔

آرمی چیف نے کہا کہ پاکستان خطے میں امن کے لیے بین الاقوامی شراکت داروں کے ساتھ تعاون اور افغان عوام کا خوشحال مستقبل یقینی بنانے کے لیے پُرعزم ہے۔

آئی ایس پی آر کے مطابق آرمی چیف نے افغانستان میں انسانی بحران روکنے کے لیے مخلصانہ کوششوں پر زور دیا۔