لیورپول کو سیزن میں دوسری شکست

انگلش پریمیئر لیگ میں لیور پول کے اسٹار فٹبالر محمد صلاح کی پنالٹی لیسٹر سٹی کے گول کیپر کیسپر نے روک لی جس وجہ سے سیزن میں ٹیم کو دوسری شکست سامنا کرنا پڑا۔

کنگ پاور اسٹیڈیم میں لیورپول کا مقابلہ لیسٹر سٹی سے ہوا، میچ کے 15ویں منٹ میں اسٹار کھلاڑی محمد صلاح نے پنالٹی ضائع کردی، صلاح نے دوبارہ گیند جال میں پہنچانے کی کوشش کی مگر گول پوسٹ سے گیند ٹکرا کر واپس آگئی۔

دوسرے ہاف میں لیسٹر سٹی کے لوک مین نے 59 ویں منٹ میں گول کر کے اپنی ٹیم کو برتری حاصل کروا دی جو میچ کے آخر تک برقرار رہی، فاتح ٹیم نے میچ ایک صفر سے اپنے نام کیا۔

انگلش پریمئیر لیگ: مانچسٹر سٹی نے لیسٹر سٹی کو ہرا کر ٹاپ پوزیشن مزید مستحکم کرلی

چیلسی نے آسٹن ولا کو ہرا کر اپنے پوائنٹس کی تعداد نمبر ٹو ٹیم لیور پول کے برابر کرلی۔

پریمیئر لیگ کے پوائنٹس ٹیبل پر لیور پول ٹیبل پر 41 پوائنٹس کے ساتھ دوسری پوزیشن پر ہے جبکہ مانچسٹر سٹی 47 پوائنٹس کے ساتھ ٹیبل پر ٹاپ پوزیشن پر ہے۔